Myanmar! မြဝတီကျားဖြန့်မှ ထိန်းသိမ်းထားသည့် တရုတ်နိုင်ငံသားတဦး သေဆုံး, မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား ၁၀၉ ဦး ထပ်မံစစ်ဆေး ဖော်ထုတ်ထိန်းသိမ်းခဲ့, သန်းခေါင်စာရင်းကောက်နေစဉ် ဓာတ်ဆီလောင်းမီးရှို့ခံခဲ့ရသည့် ရာအိမ်မှူး သေဆုံး, မန္တလေး KBZ ဘဏ်ခွဲ ဓားပြတိုက်မှု CCTV မှတ်တမ်းပါပုံ နှင့် ဖမ်းဆီးခံရသူ ပုံသဏ္ဍာန်ကွဲလွဲ၍ ဝေဖန်မှုများရှိ, ပြည်ပနိုင်ငံသား လွှဲပြောင်းရေး ကြန့်ကြာနိုင်၊ ကျားဖြန့်ဖော်ထုတ်မှု ဆိုင်းထားရ, ညှဉ်းပန်းနှိပ်စက်သည့် ကျားဖြန့်ဂိုဏ်းသား တရုတ်များ တရားခံအဖြစ် လွှဲမည်, လူတစ္ဦး ဓားထိုးခံရၿပီး ေသဆုံးမႈမွာ ဗဟန္းၿမိဳ႕နယ္ ဦးခ်စ္ေမာင္အိမ္ရာရွိ Family sushi japanese restaurant တြင္ ျဖစ္ပြားခဲ့ျခင္းမဟုတ္ဘဲ ေသဆုံးသူမွာ ဦးခ်စ္ေမာင္လမ္းေပၚရွိ ဂ်ပန္စားေသာက္ဆိုင္ဝန္ထမ္းျဖစ္, ကျားဖြန့်တိုက်ဖျက်ရေး BGF အပူတပြင်း လုပ်ဆောင်, 緬甸詐騙營辦春晚 性感女團跳辣舞, အွန်လိုင်းလိမ်လည်မှု (Telecom Fraud )နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့် တရုတ်နိုင်ငံသား (၂၀၀)ထပ်မံ လွှဲပြောင်း ပေးအပ် 2025.2.6-2.27

ကရင်ပြည်နယ်၊ မြဝတီမြို့နယ်အတွင်းရှိ အွန်လိုင်းငွေလိမ်လုပ်ငန်းများ(ကျားဖြန့်)မှ ထိန်းသိမ်းထားသည့် နိုင်ငံခြားသားများ အနက် တရုတ်နိုင်ငံသားတဦး ယမန်နေ့၌ သေဆုံးခဲ့ကြောင်း ကရင်နယ်ခြားစောင့်တပ်(BGF) ပြောရေးဆိုခွင့်ရှိသူ ဒုတိယဗိုလ်မှူးကြီး နိုင်မောင်ဇော်က ဧရာဝတီကို ပြောသည်။

အဆိုပါတရုတ်နိုင်ငံသားသည် မြဝတီမြို့တောင်ဘက် မယ်ထော်သလေးနှင့် အင်ကြင်းမြိုင်ဒေသရှိ KK Park ကျားဖြန့် အလုပ်ဆိုက်တခုတွင် အထောက်အထားမဲ့ဖြင့် ခိုးဝင်လုပ်ကိုင်နေသူဖြစ်ပြီး အသည်းရောဂါ ကျွမ်းနေသည့်အခြေအနေ၌ ဆေးကုသပေးထားစဥ် သေဆုံးခဲ့ခြင်းဖြစ်သည်။

ဒုတိယဗိုလ်မှူးကြီး နိုင်မောင်ဇော်က “အသည်းရောဂါဖြစ်တာ၊ ဗိုက်ကြီးကတင်းနေပြီးတော့ အတော်ကျွမ်းနေပြီ။ သူက ရောဂါဖြစ်တာ ၇ လလောက်ရှိပြီ။ ကျနော်တို့နိုင်ငံထဲကို သူတို့ရောက်လာတာက ၄ လပဲရှိသေးတယ်။ သူက တရုတ်ပြည်က နေ ဗီယက်နမ်၊ ဗီယက်နမ်ကနေမှ ထိုင်း၊ ထိုင်းကနေ မြန်မာကို ခိုးလမ်းကနေဝင်တာလို့ အဲဒီလိုပြောတယ်” ဟု ပြောသည်။

ကျားဖြန့်အလုပ်ဆိုက်များထဲမှ စစ်ဆေးခေါ်ယူထိန်းသိမ်းထားသည့် နိုင်ငံခြားသားများထဲ ကျန်းမာရေးမကောင်းသူတချို့ ပါဝင်နေရာ ၎င်းတို့ကို သီးခြားခွဲထား၍ ဆရာဝန်ဖြင့် ကျန်းမာရေးစောင့်ရှောက်မှု ပေးထားကြောင်း၊ ၎င်းတို့အား သက်ဆိုင် ရာနိုင်ငံများထံ အမြန်ဆုံးလွှဲပြောင်းပေးနိုင်ရန် ဦးစားပေးအဖြစ် စီစဥ်ထားသော်လည်း တဖက်နိုင်ငံမှ ခေါ်ယူမှုကြံ့ကြာနေ သဖြင့် မလိုလားအပ်သည့် နောက်ဆက်တွဲပြဿနာများ ထပ်ကြုံနေရကြောင်း ၎င်းက ဆိုသည်။

BGF ထိန်းချုပ်နယ်မြေ ရွှေကုက္ကို၊ မြဝတီနှင့် KK Park တို့ရှိ ကျားဖြန့်အလုပ်ဆိုက်များတွင် နေရပ်ပြန်ပို့ရန် ခေါ်ယူထိန်းသိမ်း ထားသည့် တရုတ်နိုင်ငံသား ၅,၀၀၀ နီးပါးထိရှိနေရာ တရုတ်ဘက်မှ ၆၂၁ ဦးသာ ပြန်ခေါ်သေးပြီး ကျန်သူများ ဆက်လက်ပို့ ဆောင်ရန် ကြံ့ကြာနေကြောင်း သိရသည်။

ဒုတိယဗိုလ်မှူးကြီး နိုင်မောင်ဇော်က “သူတို့ကို ကျနော်တို့က အချုပ်သားလိုထားလို့မရဘူး။ လှောင်ထားလို့လည်းမရ။ ဒီတိုင်း ပဲထားရပြီး အချိန်ကြာလာတော့ သူတို့က လုံခြုံရေးအဖွဲ့တွေကို အုံးနဲ့ကျင်းနဲ့ဝိုင်းပြီး ဘယ်နေ့ပြန်ပို့မလဲ ပြောဆိုပြီး ဆူပူနေ တာတွေ၊ လုံခြုံရေးအဖွဲ့တွေကို မချေမငံဆက်ဆံတာတွေ ရှိလာတယ်။ အချင်းချင်းခိုက်ရန်ဖြစ်တဲ့ကိစ္စတွေ မကြာခဏဖြစ် တယ်။ သူတို့က သွေးဆူလွယ်တဲ့ အနေအထားမျိုးတွေမြင်ရတော့ လုံခြုံရေးအဖွဲ့တွေနဲ့ ဒါကို သေသေချာချာ ကိုင်တွယ်နေရ တယ်” ဟု ပြောသည်။

နေရပ်ပြန်ပို့ရေး ကြံ့ကြာမှုများကြောင့် နိုင်ငံခြားသားများ ထွက်ပြေးမည်ကိုစိုးရိမ်၍ လုံခြုံရေးအင်အား ၂,၀၀၀ နီးပါး သုံးထားပြီး ဆူပူသောင်းကျန်းမှုများ ရှိလာနေသည့် နိုင်ငံခြားသားများကို နားလည်အောင်ပြောပြရန်အတွက် ဘာသာစကား အခက်အခဲများ ရှိနေကြောင်း ၎င်းက ဆိုသည်။

နိုင်ငံခြားသားထောင်နှင့်ချီ၍ ထိန်းသိမ်းထားရသည့်အခြေအနေတွင် စားသောက်စရိတ်၊ မီးစက်များ နေ့ညမပြတ်မောင်းပေး နေရသည့်စရိတ်၊ သယ်ယူပို့ဆောင်ရေးနှင့် အထွေထွေ ကုန်ကျစရိတ်များအတွက် နေ့စဉ် ကျပ် သိန်း ၂,၀၀၀ ကျော်ထိ သုံးနေရကြောင်း သိရသည်။

ဧရာဝတီ၏ ကရင်သတင်းရင်းမြစ်တဦးက “တရုတ်တယောက်ရဲ့ စားစရိတ်နဲ့ အထွေထွေစရိတ်က တရက်ကို ၃ သောင်း ကျော်ကျပါတယ်” ဟု ပြောသည်။

တရုတ်နိုင်ငံအနေဖြင့် ၎င်းတို့၏ နိုင်ငံသားများအား ခေါ်ယူရန် အချိန်ဆွဲနေခြင်းဖြင့် အထွေထွေအကျပ်အတည်းနှင့် ရင်ဆိုင် နေရသော BGF ကို ပညာပြနေသည့်သဘော တွေ့ရသည်ဟုလည်း ၎င်းက ဆိုသည်။

စစ်ကောင်စီလက်အောက်ခံ ကရင်နယ်ခြားစောင့်တပ်(BGF) ထိန်းချုပ်နယ်မြေ ကျားဖြန့်အလုပ်ဆိုက်များမှ အချိန်နှစ်ပတ် အတွင်း စစ်ဆေးခေါ်ယူ ထိန်းသိမ်းထားသည့် နိုင်ငံခြားသားများအနက် နိုင်ငံပေါင်း ၂၈ နိုင်ငံမှ လူဦးရေ ၇,၁၄၁ ဦးကို စိစစ် ထားနိုင်ပြီး ၎င်းတို့ထဲ တရုတ်နိုင်ငံသား ၄,၈၆၀ ဦးဖြင့် အများဖြစ်ကြောင်း သိရသည်။

မဇ္ဈိမ။ ။ ပြီးခဲ့သည့် ဖေဖော်ဝါရီလ ၂၁ ရက် မွန်းလွဲပိုင်း ၂ နာရီက မန္တလေးမြို့၊ မဟာအောင်မြေမြို့နယ်၊ ကမ္ဘောဇဘဏ်ခွဲ (၃၇) တွင် ဓားပြတိုက်မှု ဖြစ်ပွားခဲ့သည်။ ဖြစ်ပွားပြီး မကြာမီ ဓားပြတိုက်ခံရမှု CCTV ရုပ်သံမှတ်တမ်းသည် လူမှုကွန်ရက်တွင်ပျံ့နှံ့လာခဲ့သည်။

ရုပ်သံမှတ်တမ်းတွင် နှာခေါင်းစည်းထားသူ တဦးသည် လက်တဖက်တွင် သေနတ်ကိုင်ဆောင်ကာ အခြားလက်တဖက်တွင် အမဲရောင်အိတ်တထုတ်ကို ကိုင်ဆောင်ထားသည်။ ဘဏ်ဝန်ထမ်းတဦးက ငွေထုတ်ကို သယ်ဆောင်ကာ ၎င်းစီးလာသည့် ဆိုင်ကယ်ပေါ် တင်ပေးလိုက်သည်။

ထို့နောက် စစ်ကောင်စီ ရဲတပ်ဖွဲ့က ဓားပြမှုဖြစ်ပွားပြီး ၂၄ နာရီ အတွင်း ဖေဖော်ဝါရီလ၂၂ ရက်၊နံနက် ၉နာရီခန့် ဓားပြတိုက်မှုဖြင့် အမျိုးသားတဦးကို ဖမ်းဆီးရမိပြီးဖြစ်ကြောင်းထုတ်ပြန်ခဲ့သည်။ပြည်ကြီးတံခွန်မြို့နယ်၊(ဂ)ရပ်ကွက်၊၁၂၀လမ်း၊၆၈(B) လမ်းနှင့်၆၈(C)လမ်းကြားရှိ နေအိမ်တအိမ်တွင် အသက် ၅၄ နှစ်အရွယ် ကိုသိန်းဇော်ကို ဖမ်းဆီးထားကြောင်း သိရသည်။

သံသယတရားခံ၏ ဓာတ်ပုံ၊ ဓားပြတိုက်ရာတွင် အသုံးပြုသည့် အဝတ်အစား၊ လက်နက် နှင့် ဓားပြတိုက်သွားသည့် ကျပ်သိန်း ၁,၁၀၀ ဝန်းကျင်ကို ဓာတ်ပုံနှင့်တကွ ထုတ်ပြန်ခြင်းဖြစ်သည်။

ထုတ်ပြန်ချက်ဓာတ်ပုံထဲမှ ကိုသိန်းဇော်သည် CCTV မှတ်တမ်းရုပ်သံတွင် ဓားပြတိုက်နေသည့် သူ၏ ပုံသဏ္ဍာန်နှင့် နှိုင်းယှဥ်ပါက ကွဲလွဲနေကြောင်း လူအများက ဝေဖန်နေကြခြင်း ဖြစ်သည်။

အရပ်အမောင်းနှင့်မျက်နှာကျမှာလည်း ကွဲလွဲနေသည်ဟု မန္တလေးမြို့ခံ အချို့က သုံးသပ်သည်။

“တော်တော်တော့ကွဲတယ်။ CCTVထဲကရုပ်နဲ့အဖမ်းခံရသူက သေချာကြည့် ကွဲပါတယ်။ ရဲကလည်း ဖိအားရှိပုံရပါတယ်။ ဒါကြောင့် အမြန်မိတယ်ဆိုပြီး လုပ်လိုက်ပုံရတယ်။ အဝတ်အစား အသုံးဆောင်တွေ‌ေတာ့တူတယ်။ ရုပ်ကတော့ ကွာပါတယ်။”ဟု မြို့ခံတဦးကဆိုသည်။

နောက်ထပ်မြို့ခံတဦးကလည်း သူ့၏ လူမှုကွန်ရက်မှနေ၍ “ ဘဏ်ဓါးပြက တရက်ထဲနဲ့ပိန်သွားတယ် ။ သူသောက်တဲ့ ပိန်ဆေးသောက်ချင်လိုက်တာ သိတဲ့သူရှိရင် ညွှန်းပါဦး” ဟု ဘဏ်တွင်း ဓါးပြတိုက်နေသည့်ပုံနှင့် ဖမ်းဆီးမိသည့် ပုံတို့တွဲတင်ထားသည်ကိုတွေ့ရသည်။

ကိုသိန်းဇော်မှာ CCTVပါ လူထက် ပို၍ ပိန်နေပြီး ဆံပင်မှာလည်း ပိုတိုနေသည်။ ကိုသိန်းဇော်၏ ဆံပင်မှာ နားရွက်အထက် လက်သုံးလုံးခန့် အတိုပုံစံဖြစ်ပြီး ဓားပြတိုက်သူ၏ ဆံပင်မှာ နားရွက်အထိ ရှည်သည့် ဆံပင်အတိုပုံစံဖြစ်သည်။

စစ်ကောင်စီတယ်လီဂရမ်တခုတွင် ဘဏ်ဓါးပြတိုက်မှုဖြင့် ဖမ်းမိထားသူမှာ လူစားထိုးထားခြင်းမဟုတ်ဘဲ ပြည်သူ့စစ်အဖွဲ့ဝင်တဦးဖြစ်ကြောင်းဖော်ပြထားသည်ကိုတွေ့ရသည်။

နိုင်ငံသား မှန်မမှန် သေချာစိစစ်ပြီးမှ ပြန်ခေါ်မည်ဆိုသည့် တရုတ်ပြည်သူ့ လုံခြုံရေးဌာန ဒုဝန်ကြီး၏ သဘောထားကြောင့် လုပ်ငန်းစဉ်များ ကြန့်ကြာနိုင်သဖြင့် ကျားဖြန့်လုပ်ငန်းခွင်များ ဆက်လက် စစ်ဆေးဖော် ထုတ်မှုကို ဆိုင်းငံထားရကြောင်း ကရင်နယ်ခြားစောင့်တပ် (BGF) ပြောခွင့်ရ ဒုတိယဗိုလ်မှူးကြီး နိုင်မောင်ဇော်ကဆို သည်။

ယမန်နေ့က ထိုင်း- တရုတ်နှင့် မြန်မာစစ်ကောင်စီကိုယ်စားလှယ်တို့ မဲဆောက်မြို့၌ တွေ့ဆုံကာ ပြည်ပနိုင်ငံသားများ အမြန်ဆုံးလွှဲပြောင်းနိုင်ရန် မူရင်းနိုင်ငံ၊ ဖြတ်သန်းနိုင်ငံ၊ ဆိုက်ရောက်နိုင်ငံ တို့အကြား လွှဲပြောင်းရေးလုပ်ငန်းများ စနစ်တကျ ဆောင်ရွက်ရေး၊ Task Force ဖွဲ့စည်းပြီး Action Plan ရေးဆွဲကာ ဆောင်ရွက်မည့် အစီအစဉ်၊ တတိယနိုင်ငံသားများအား ထိုင်းနိုင်ငံမှ တဆင့် အမြန်ဆုံးလွှဲပြောင်းရန် ညှိနှိုင်းဆွေးနွေးကြောင်း စစ်ကောင်စီ သတင်းစာက ဆိုသည်။

လက်ရှိ ရွှေကုက္ကို ကျားဖြန့်ခွင်မှ နေရပ်ပြန်ပို့မည့် နိုင်ငံခြားသား ၂၀၀၀ ခန့်ကို ခေါ်ထုတ်ထားပြီး ထိုင်းနိုင်ငံနှင့် ကြိုတင် ညှိနှိုင်းမှုအရ တကြိမ်လျှင် ဦးရေ ၅၀၀ ထိ လွှဲပြောင်းပို့ဆောင်ရန် စီစဉ်ထားသော်လည်း ကြန့်ကြာမှုများရှိနေသဖြင့် တလအတွင်း ကျားဖြန့်အပြတ်ရှင်းလင်းမည့် မူလရည်မှန်းချက်အစား အချိန်ပိုယူရမည့် အခြေအနေရှိနေသည်ဟု သိရသည်။

ဒုတိယဗိုလ်မှူးကြီးနိုင်မောင်ဇော်က “ထိုင်းဗီဇာနဲ့လာတဲ့သူတွေကို ထိုင်းနိုင်ငံဘက်က ပြန်ပြီးသွားခိုင်းမယ် အခု ကယ်ဆယ် ထားတဲ့အထဲမှာ ထိုင်းနိုင်ငံမှာ သံရုံးမရှိတဲ့သူတွေ ပါသလို ကျနော်နိုင်ငံမှာလည်း သူတို့သံရုံးမရှိဘူး၊ ဒါကြောင့်ဘယ်လို ပုံမျိုးနဲ့ ဘယ်လိုရောက်လာလဲဆိုတာ စစ်မေးမြန်းနေတုန်းပဲ၊ ခက်တာက အဲဒီနိုင်ငံသားက အင်္ဂလိပ်စာလည်း မတတ်သလို သူတို့မိခင်ဘာသာစကားနဲ့ ပတ်သက်လို့ ဒီဘက်မှာ ဘာသာပြန်မရှိဘူး၊ ဒီလိုအခက်အခဲတွေရှိတယ်” ဟု ပြောသည်။

BGF များ ရွှေကုက္ကိုရှိ ကျားဖြန့်လုပ်ငန်းများကို ဝင်ရောက် စစ်ဆေးနေကြစဉ်/ ဧရာဝတီ
ထို့အတွက် စစ်ဆေးခေါ်ထုတ်ထားသည့် ထောင်ချီသော နိုင်ငံခြားသားများအား ကျန်းမာရေးနှင့်အညီထားရန် နေရာ အခက်အခဲများလည်း ရှိနေကြောင်း သူကဆိုသည်။

BGFတို့ အနေဖြင့် ရွှေကုက္ကို၌ ကျားဖြန့်နှိမ်နင်းရေးကို စံပြလုပ်ဆောင်နေပြီး နောက်ထပ် မြဝတီမြို့ ဧရိယာနှင့် မယ်ထော် သလေးဒေသ (KK Park)တွင်လည်း ဆက်လက်လုပ်ဆောင်သွားမည်ဟု သိရသည်။

တရုတ်နှင့် ထိုင်းနိုင်ငံတို့မှ ဖိအားပေးခံရသည့် BGF သည် ကျားဖြန့်နှင့် လူမှောင်ခိုပပျောက်မှုနှိမ်နင်းရေး အထူးအဖွဲ့ ဆိုကာ ဖွဲ့စည်းပြီး Plan A ၊ Plan B ၊ Plan C ချမှတ်၍ ဖေဖော်ဝါရီ ၁၄ ရက်မှစ၍ ရွှေကုက္ကိုရှိ လုပ်ငန်းခွင်များ၊ ကုမ္ပဏီများကို အင်အားအများအပြားဖြင့် ပိတ်ဆို့စစ်ဆေးနေကြောင်း လူကုန်ကူးခံရသူများ၊ အိမ်ပြန်ချင်သူများအား အဓိက ကယ်ထုတ် နေပြီး နောက်တဆင့်တွင် လုပ်ငန်းနှင့် ဆက်စပ် ပစ္စည်းများအား မီးရှို့ဖျက်ဆီးသွားမည်ဖြစ်ကြောင်း ၎င်းကဆိုသည်။

“အဲဒီအချိန်ကျရင် ပြည်တွင်း ပြည်ပမီဒီယာတွေခေါ်ပြီး ပွင့်လင်းမြင်သာစွာ ချပြပေးသွားမယ်။ အရေးကြီးတဲ့ ခေါင်းဆောင် တချို့ကို လုံခြုံရေးအရ ထိန်းသိမ်းထားတာလည်း ရှိတယ်။ အဲဒီနေ့ကျရင် ထုတ်ပြသွားမှာဖြစ်ပါတယ်” ဟုဆက်ပြောသည်။

BGF တို့က စစ်ဆေးပြီးသည့်နေရာများနှင့် မစစ်ဆေးရသေးသောနေရာများ အဝင်အထွက်ကို လုံခြုံရေးတင်းကျပ်စောင့် ကြည့်ကာ လုပ်ငန်းများကိုလည်း ရပ်ဆိုင်းခိုင်းထားသည် ဆိုသော်လည်း တရုတ်ကျားဖြန့်ဂိုဏ်းတချို့ကမူ ရသည့်နည်းဖြင့် လုပ်ငန်းများ ဆက်လက်လုပ်ဆောင်နေကြသည်ဟု သိရသည်။

လူ ၁၆၀ခန့် လုပ်ကိုင်နေသည့် ရွှေကုက္ကိုကျားဖြန့်ခွင်မှ အမျိုးသမီးတဦးက “အလုပ်က လုပ်နေတာပဲ။ ညီမတို့ပြောင်းမယ့် ၁၀၀ လောက်ကလွဲပြီး ကျန် ၄၀ ကတော့ အလုပ်တက်ရတယ် ။ ညီမတို့ကို အားချင်းပြောင်းရမယ်ဆိုပြီး သူဌေးက မနေ့က လာပြောလို့ သွားတော့ ဂိတ်က ရဲဘော်တွေက ပေးမသွားတော့ဘူး။ ဂိတ်ကအသေပိတ်ထားတာ၊ အပြင်ကလူတွေနဲ့လည်း ပေး မတွေ့ဘူး” ဟု ပြောသည်။

BGF များ ရွှေကုက္ကိုရှိ ကျားဖြန့်လုပ်ငန်းများကို ဝင်ရောက် စစ်ဆေးနေကြစဉ်/ ဧရာဝတီ
BGF များ စစ်ဆေးနေသည့်အတွက် ကျားဖြန့်ဂိုဏ်းများအနေဖြင့် တခြားနေရာများသို့ အလုပ်သမားများကို ပြောင်းရွှေ့ရန် ကြိုးစားနေခြင်းဖြစ်သည်။

ဖေဖော်ဝါရီ ၁၄ ရက်က BGF တို့ စစ်ဆေးသွားသည့် ကုမ္ပဏီတခုမှ မြန်မာနိုင်ငံသားတဦးကလည်း “စစ်ဆေးပြီးသား တော် တော်များများတော့ ရပ်ထားတယ် ။ တချို့လည်း ဆက်လုပ်နေကြတာ ရှိပါတယ်။ ချက်ချင်းတော့ မရပ်သေးဘူး၊ တချို့ဆို ကုမ္ပဏီဝန်းထဲတောင် ဝင်လို့မရဘူး၊ စစ်တဲ့နေ့က ကျနော်အလုပ်လာတယ်၊ နောက်ရက်မနက် ခဏအပြင်ထွက်သွားတာ အထဲကိုပြန်ဝင်လို့ကို မရတော့ဘူး”ဟု ပြောသည်။

အလားတူ မြဝတီမြို့ တောင်ဘက် သောင်ရင်းမြစ်ကမ်းတလျှောက် စည်ရိုးအမြင့်ခတ်ထားသည့် ခြံဝန်းကျယ်ကြီးများ အတွင်း လုပ်ကိုင်နေသည့် ကျားဖြန့်ဂိုဏ်းများ ရှိသလို သောင်ရင်းမြစ်ကို အခြေပြုထားသည့် အိုမီဂါကွေ့ဟု တချိန်ကခေါ် သည့် နေရာတွင်တည်ဆောက်ထားသည့် KK Park တို့တွင်လည်း လူအင်အားထောင်ချီသည့် ကျားဖြန့်ဂိုဏ်းအများအပြား ကျန်နေသေးသည်။

မြဝတီမြို့ခံတဦးကမူ “ထိုင်းက ပိတ်ဆို့ထားတဲ့အတွက် အရင်ဆုံးမြို့က အခြေခံလူတန်းစားတွေ ထိခိုက်နစ်နာ တာပေါ့၊ သူတို့ ပိတ်ဆို့ထားပေမယ့် ဆီမှောင်ခိုဈေးတွေ အဆမတန်တက်တာကြည့်ရင် ဒီကျားဖြန့်တွေက ဆက်လုပ်နေတယ်ဆိုတာ သိသာပါတယ်” ဟု ပြောသည်။

ကျားဖြန့်လုပ်ငန်းများ၌ နိုင်ငံခြားသားများ အများစုမှာ လုပ်ခလစာ အပြည့်အဝ မရခြင်း ၊ လုံးဝမရရှိခြင်းများနှင့် ညှဉ်းပန်း နှိပ်စက်မှုများ ခံနေကြရသော်လည်း မြန်မာနိုင်ငံသားများမှာ လုပ်ခလစာ အပြည့်ရကြသည့်အပြင် အခြေခံလစာကို ဘတ် ၁၅၀၀၀ မှစ၍ တလလျှင် ဘတ် ၃၀၀၀၀ လောက်ထိ အဆင့်ဆင့်ရရှိနေကြသောကြောင့် CDM တချို့ ၊ စစ်မှုထမ်း ရှောင်လာသူတချို့နှင့် ပြည်ပနိုင်ငံများသို့ သွားရောက်မလုပ်ကိုင်နိုင်သူ တချို့တို့က ကျားဖြန့်လုပ်ငန်းများ၌ ဝင်ရောက် လုပ်ကိုင်နေကြကြောင်းလည်း သိရသည်။

ကျားဖြန့်လုပ်ငန်းများကို ဝင်ရောက် စစ်ဆေးစဉ် (ဧရာဝတီ)

တရုတ်ကျားဖြန့် ရာဇဝတ် ဂိုဏ်းသား ၆ဦးကို နိုင်ငံခြားသားများအား နှိပ်စက်ညဉ်းပန်းမှုဖြင့် တရုတ်နိုင်ငံသို့ တရားခံများ အဖြစ် လွှဲပေးမည်ဟု ကရင်နယ်ခြားစောင့်တပ် (BGF) ပြောရေးဆိုခွင့်ရှိသူ ဒုတိယဗိုလ်မှူးကြီး နိုင်မောင်ဇော်က ယမန်နေ့က ရွှေကုက္ကို၌ မီဒီယာများကို ပြောသည်။

ကျားဖြန့်ဂိုဏ်းများသည် ၎င်းတို့ ခိုင်းစေသည့် အလုပ်များ မပြီးမြောက်ပါက လျှပ်စစ်ကျင်စက်ဖြင့်တို့ခြင်း စတီးဒုတ်ဖြင့် ရိုက်ခြင်း စသည့် နှိပ်စက်မှုမျိုးစုံပြုလုပ်ကြောင်း လွတ်မြောက်လာသူတချို့၏ ပြောဆိုချက်အရ သိရသည်။

ဒုတိယဗိုလ်မှူးကြီးနိုင်မောင်ဇော်က “စခေါ်ထုတ်လာကတည်းက တဦးတယောက်စီချင်းကို ဒဏ်ရာတွေ အရင်စစ်တယ်။ မှတ်တမ်းလုပ်တယ်။ သူတို့က ဘယ်ကနေရခဲ့တဲ့ ဒဏ်ရာတွေလဲ၊ ဒီမှာရခဲ့တဲ့ ဒဏ်ရာဆိုရင် တခါတည်း သက်ဆိုင်ရာ အုပ်ချုပ်တဲ့ကုမ္ပဏီ လုပ်ငန်းခေါင်းဆောင်တွေကို လောလောဆယ် ဖမ်းဆီးထိန်းသိမ်းပြီး သက်ဆိုင်ရာ သူတို့နိုင်ငံကို ပြန်လွှဲဖို့ ကျတော့ တရားခံပုံစံနဲ့ ပြန်လွှဲရမှာ။ သာမန်အရပ်သားလို နေရပ်ပြန်အနေနဲ့ လွှဲလို့မရဘူး” ဟု ပြောသည်။

ရွှေကုက္ကို လုပ်ငန်းခွင်အတွင်း ညှဉ်းပန်းနှိပ်စက်မှုများ မရှိစေရေး စည်းကမ်းထုတ်ထားသော်လည်း ကရင်နယ်ခြား စောင့်တပ် (BGF)၏ ရှာဖွေစစ်ဆေးမှု အားနည်းခဲ့သည့်အတွက် တရုတ်လုပ်ငန်းရှင်တချို့က ညှဉ်းပန်းနှိပ်စက်၍ အဓမ္မခိုင်းစေမှုများ ကျူးလွန်နေခြင်းဖြစ်ကြောင်း ဒုတိယဗိုလ်မှူးကြီးနိုင်မောင်ဇော်က ဝန်ခံသည်။

ထို့ပြင် BGF အနေဖြင့် ရွှေကုက္ကိုရှိ လုပ်ငန်းခွင်များနှင့် ကုမ္ပဏီများသို့ လက်ကိုင်များတပ်ဖွဲ့ဝင်များ ဝင်ရောက်ခွင့်မပြုဟု စည်းကမ်းထုတ်ထား၍ လက်ရှိ ညှဉ်းပန်းနှိပ်စက်မှုကို ကျူးလွန်သူများမှာ ၎င်းတို့တပ်ဖွဲ့ဝင်များ မဟုတ်ဘဲ တရုတ်ဂိုဏ်းများ ဘက်ကသာ ကျူးလွန်ကြခြင်းဖြစ်သည်ဟု ဆိုသည်။

လတ်တလော ကျားဖြန့်ဂိုဏ်း ခေါင်းဆောင်သူ ၆ ဦးကို ဖမ်းဆီးထားပြီး ကျန်သူများကိုပါ ဆက်လက်ဖော်ထုတ်၍ ကျူးလွန်သူများအားလုံး တပါတည်းလွှဲပြောင်းနိုင်ရန် စီစဉ်နေကြောင်း သိရသည်။

လက်ရှိတွင် BGF က ရွှေကုက္ကိုနယ်မြေအတွင်းရှိ ကျားဖြန့်လုပ်ငန်းများမှ နိုင်ငံခြားသားများကို နေရပ်ပြန်ပို့ရန်ဖေဖော်ဝါရီ ၁၄ ရက်က စတင်လုပ်ဆောင်နေရာ လက်ရှိအချိန်ထိ လူဦးရေ ၂၀၀၀ ခန့် ခေါ်ထုတ်ထားပြီးဖြစ်ကာ ပြန်လွှဲပို့ရန် ထိုင်းအစိုးရနှင့် ညှိနှိုင်းနေဆဲဖြစ်၍ အချိန်ကာလအတိအကျ မသိရသေးပေ။

နှိပ်စက်ခံ တရုတ်နိုင်ငံသား တဦးက “တချို့ ကျနော်တို့ထက် ဆိုးတာတွေရှိတယ်။ အသက်သေဆုံးတဲ့အထိ ဖြစ်တာ တွေလည်း ရှိတယ်။ အခုကျနော်တို့ကတော့ လုံခြုံသွားပါပြီ။ အိမ်ကို အမြန်ပြန်ချင်တယ်” ဟု ဧရာဝတီသို့ ပြောသည်။

ကျားဖြန့်လုပ်ငန်းများတွင် ညှဉ်းပန်းနှိပ်စက်ခံရသော ဒဏ်ရာများ (ဧရာဝတီ)

ထိုင်း-မြန်မာနယ်စပ် မြဝတီမြို့နယ်အတွင်းရှိ ကျားဖြန့်လုပ်ငန်းများသည် ဒေသတွင်းလုံခြုံရေး စိုးရိမ်မှုများ ဖြစ်လာသော ကြောင့် တရုတ်နိုင်ငံ၏ ဖိအားပေးမှုဖြင့် ထိုင်းနိုင်ငံကလည်း BGF ခေါင်းဆောင် ဗိုလ်မှူးကြီး စောချစ်သူအပါအဝင် တပ်မှူး ၃ ဦးအား ဖမ်းဝရမ်းထုတ်ရန် ကြိုးစားလာချိန်တွင် BGF ဘက်က ယခုကဲ့သို့ ကျားဖြန့်နှိမ်နင်းရေးကို လုပ်ဆောင်လာခြင်း ဖြစ်သည်။

သို့သော်လည်း ဧရာဝတီ၏ စုံစမ်းချက်အရ လက်ရှိ ရွှေကုက္ကို မြို့သစ်အတွင်း ကျားဖြန့်ငွေလိမ်ဂိုဏ်းတို့ ဟန်မပျက် ဆက်လက် လှုပ်ရှားမှုများ ရှိနေကြောင်း သိရသည်။

ထိုင်းအထူးစုံစမ်းစစ်ဆေးရေး အဖွဲ့ (DSI )က ကရင်နယ်ခြားစောင့်တပ်(BGF)ခေါင်းဆောင် ၃ဦးကို ဖမ်းဝရမ်းထုတ်ရန် ကြိုး စားနေချိန် ယနေ့နံနက်မှစ၍ ကျားဖြန့် ၊ လူမှောင်ခို ပပျောက်နှိမ်နင်းရေးအထူးအဖွဲ့က အင်အားအများအပြားဖြင့် ရွှေကုက္ကို ရှိ အလုပ်နေရာများ၊ ကုမ္ပဏီများကို ပိတ်ဆို့စစ်ဆေး၍ အချို့ကို ဖမ်းဆီးခေါ်ဆောင်သွားကြောင်း ဒေသခံများထံက သိရသည်။

ဖေဖော်ဝါရီလ ၁၂ ရက်တွင် BGF ထိပ်ပိုင်းခေါင်းဆောင်များ အရေးပေါ် အစည်းအဝေးလုပ်၍ ကျားဖြန့်နှင့် လူမှောင်ခို ပပျောက်နှိမ်နင်းရေး အထူးအဖွဲ့အမည်ဖြင့် ကြီးကြပ်ရေးနှင့် ပြန်လည်ပို့ဆောင်ရေးအဖွဲ့ ၊ ဝင်ရောက်ရှင်းလင်းရေး အဖွဲ့ ၃ ဖွဲ့ကို ဖွဲ့စည်းကာ ကျားဖြန့် လုံးဝပပျောက်ရေး လုပ်ဆောင်သွားမည်ဟု ဒုတိယဗိုလ်မှူးကြီး နိုင်မောင်ဇော်က ပြောဆိုထား သည်။

ရွှေကုက္ကိုရှိ ကုမ္ပဏီတခုတွင်လုပ်နေသူတဦးက “အင်အားများတယ်၊ ဆိုက်အပြင်ကို ဝိုင်းပတ်ပိတ်ထားပြီး ဝင်စစ် တာ၊ ဆိုက်ထဲမှာ ရှိတဲ့သူတွေကို တယောက်မကျန် လိုက်မေးနေတာ။ အိပ်နေတဲ့ ဝန်ထမ်းတွေလည်း ကုမ္ပဏီဝန်းထဲ ဆင်းခိုင်းပြီး လိုက်မေးနေတာ” ဟု ပြောသည်။

ထိုသို့စစ်ဆေးမေးမြန်းရာတွင် ရောင်းစားခံရသည့် တရုတ်များနှင့် နိုင်ငံခြားသားများ ရှိ မရှိ ၊ မည်သည့်နိုင်ငံကူးလက်မှတ် ဖြင့်ရောက်လာခြင်းဖြစ်ကြောင်း၊ အိမ်ပြန်လိုခြင်း ရှိမရှိ စသည်တို့ကို အဓိကမေးမြန်းသည်ဟု သိရသည်။

လက်ရှိစစ်ဆေးမှုများပြုလုပ်နေသည့် အခြေအနေများနှင့်ပတ်သက်၍ BGF ပြောခွင့်ရ ဒုတိယဗိုလ်မှူးကြီး နိုင်မောင်ဇော်ကို ဧရာဝတီက ဆက်သွယ်မေးမြန်းရာ စစ်ဆေးမှုများကို ယနေ့စတင်နေခြင်းဖြစ်ပြီး မစ်ရှင်ဆောက်ရွက်နေဆဲ ဖြစ်သော ကြောင့် အသေးစိတ်မပြောကြားနိုင်သေးဘဲ နောက်ပိုင်းမှသာ သတင်းထုတ်ပြန်ပေးသွားမည်ဟု ပြောသည်။

ဧရာဝတီသတင်းရင်းမြစ်တဦးက “တချို့ကုမ္ပဏီတွေမှာတော့ အပြင်ခေါ်ထုတ်သွားပြီး နေရပ်ကို ပြန်ပို့ဖို့ စီစဉ်နေပါတယ်။ ကျနော်တို့ ကုမ္ပဏီမှာတော့ မနက် ၉ နာရီလောက်ကတည်းက အခုထိစစ်ဆေးမေးမြန်းနေဆဲ ဖြစ်ပါတယ်” ဟု နေ့လယ် ၂ နာရီခန့်တွင် ပြောသည်။

BGF တပ်ဖွဲ့များက တရုတ်နှင့် နိုင်ငံခြားသား ၁၀၀၀ ကျော်ကို ဖမ်းဆီးပြီး ခန္ဓာကိုယ်ပေါ်တွင် နှိပ်စက်ခံရသော ဒဏ်ရာများ ရှိမရှိကို အင်္ကျီများချွတ်ကာ ရှာဖွေစစ်ဆေးခဲ့ကြောင်း၊ ဆက်လက်၍ အွန်လိုင်းငွေလိမ်လုပ်ငန်းများနှင့် ဆက်စပ်မှုကိုလည်း စစ်ဆေးသွားမည်ဖြစ်ကြောင်း၊ အဆိုပါ နိုင်ငံခြားသားများအား အမြန်ဆုံးလွှဲပြောင်းပေးမည်ဖြစ်ကာ ထိုင်းဘက်မှ လက်ခံစိစစ်ပေးရန် ဗိုလ်မှူးကြီး စောချစ်သူက ကမ်းလှမ်းထားကြောင်း ထိုင်းအခြေစိုက် The Reporters သတင်းတွင် ရေးသားထားသည်။

ဖေဖော်ဝါရီ ၅ ရက်တွင် ကျားဖြန့်နှိမ်နင်းရေးစီမံချက်ဖြင့် ထိုင်း-မြန်မာနယ်စပ်ဖြစ်သော တာချီလိတ်၊ မြဝတီ၊ ဘုရား သုံးဆူစသော နေရာ ၅ ခုအား လျှပ်စစ်မီး၊ စက်သုံးဆီ၊ အင်တာနက်တို့ကို ထိုင်းဘက်က စတင်ဖြတ်တောက်ပြီးနောက် ဖေဖော်ဝါရီ ၆ ရက်တွင် မြဝတီရှိ ကျားဖြန့်လုပ်ငန်းများတွင် ခိုင်းစေခံရသော နိုင်ငံခြားသား ၆၁ ဦးကို BGF က ထိုင်းဘက်သို့ လွှဲပြောင်းပေးခဲ့သည်။